Mapas pagos
17 Febreiro 2007
De cando en vez a miña nai ameaza con botar ao lixo, como ela di, toda a trapallada que deixei na súa casa. Entre esa trapallada hai moito mapa e entre eles unhas cantas cartas do Ejército español a escala 1:50000 e bastantes máis, tamén topográficas, do Instituto Geográfico Nacional a escalas 1:50000 e 1:25000.
Polos da Cartoteca sei que os que custaban centos de pesetas poden baixarse de balde da cartoteca do IGN seleccionando mapas MTN50-MTN25 e buscando o mapa do lugar desexado. Como resultado, arquivos pdf cunha imaxe JPEG encapsulada que dan unha calidade bastante boa e veñen pesando algo máis de 3MB.
O máis destacable é que tamén se poden baixar follas de mapas editados hai décadas e compararmos a evolución dun mesmo espazo no tempo,
e como o ladrillo foi medrando e como apareceron novas infraestructuras, anque para rechamante podemos ver como era a toponimia utilizada naqueles tempos e non tan aló. Sen máis, uns exemplos,
- O mapa da Coruña de 1933,
- O mapa de Lugo de 1950,
- O mapa de Santiago de Compostela de 1944,
- O mapa de Ourense de 1946,
- O mapa de Pontevedra de 1944,
- O mapa de Vigo de 1943.
e os que quedan por ver.
Febreiro 17th, 2007 at 8:08 pm
Grande achádego!!!
Febreiro 18th, 2007 at 1:17 am
Malos tempos para a cartografía clásica cando hoxe manda o GPS. Onde van aqueles tempos onde se facían plans enriba dun mapa. Que sorte tiveches. A miña nai, guindoumos todos. Ás nais hai que facerlles caso cando falan.
Febreiro 21st, 2007 at 3:28 pm
Magnífico. No mapa de Vigo hai cousas excelentes e non só de nomenclatura. A Avenida de Madrid non existía, e chegábase á cidade por Lavadores. Meu pai foi a Vigo por vez primeira nese ano, creo, e confírmase o que dixo.
Febreiro 28th, 2007 at 5:09 pm
grande obra, grande sucesso, xa teño os meus de celeiro e riobarba!! :D
parabéns mil e obrigado
Marzo 3rd, 2007 at 3:42 pm
Noraboa pola inciativa de por a nosa disposición ise bo feixe de mapas. No meu caso interesanme os mapas da antiga lagoa de Antela. Podería porlle un ligazón as duas fotos que tes da Limia (1936 e 1943)?
Un saúdo.
Xavier
Marzo 3rd, 2007 at 8:38 pm
Xavier, por aí si que che cambiou o mapa. As imaxes, todas para ti, e esta tamén.
Marzo 4th, 2007 at 4:43 pm
Pois si , cambiouche bastante. Graciñas pola última imaxe na que se ve todo de marabilla. Xa puxen os ligazóns ós mapas nun novo apartado adicado ós mapas da Limia e da lagoa de Antela (podes velo na sección: ligazóns).
Marzo 4th, 2007 at 6:41 pm
Dichesme unha idea, vou colgar eu os mapas e outras cousiñas (libros, etc) que teño sobre a antiga lagoa de Antela. Ti que me recomendas pra elo, o Flickr ou no que tes ti os mapas?